शासनाने मराठा समाजाला ओबीसी प्रवर्गातून कुणबी जातीचे प्रमाणपत्र देऊ नये

महाराष्ट्र प्रांतिक तैलिक महासभेची आग्रही मागणी

यासंदर्भात तहसीलदार यांना दिले निवेदन

विधायक दीपस्तंभ वृत्तसेवा
आरमोरी ( जिल्हा गडचिरोली): महाराष्ट्र प्रांतिक तैलिक महासभा तालुका शाखा आरमोरी यांच्या वतीने मराठा समाजाला ओबीसी प्रवर्गातून कुणबी जातीचे प्रमाणपत्र देऊ नये या आग्रही भूमिकेतून आरमोरीचे तहसीलदार यांना दिनांक १८सप्टेंबर २०२३रोजी पदाधिकारी व कार्यकर्ते यांच्या उपस्थितीत निवेदन देण्यात आले.

निवेदन देतांना महाराष्ट्र प्रांतिक तैलिक महासभा चे आरमोरी तालुका अध्यक्ष तथा नगरसेवक मिलिंद खोब्रागडे, जिल्हा सचिव विजय सुपारे, तालुका सचिव तथा नगरसेवक विलास पारधी, रामभाऊ कुर्झेकर, हरेश बावनकर, विलास चीलबुले, आकाश चीलबुले, चरणदास चापले, अनिल किरमे, देविदास नैताम, बाळकृष्ण जौंजालकर, शुभम खोडवे, अनिल नैताम, रघुनाथ मोगंरकर, संजय मोटघरे तथा अनेक तेली समाजातील व ओबीसी बांधव उपस्थित होते.