हरितालिका उत्सवापूर्वी रामसागर तलावाची स्वच्छता करा

युवारंग लोकहीत संघर्ष संघटनेची मागणी.

विधायक दीपस्तंभ वृत्तसेवा
आरमोरी( जिल्हा गडचिरोली): शहरातील प्रसिद्ध व जागृत दुर्गा माता मंदिर जवळील राम सागर तलावाची स्वच्छता हरितालिका उत्सवापूर्वी तत्काळ करावी, अशी मागणी युवारंग लोकहित संघर्ष संघटनेच्या पदाधिकाऱ्यांनी आरमोरी नगर परिषदेच्या मुख्य कार्यकारी अधिकाऱ्यांना दिलेल्या निवेदनातून केली आहे.

दिलेल्या निवेदनात म्हटले आहे की,दिनांक १८ सप्टेंबर २०२३ ला शहरातील महिला भगिनी हरितालिकेच्या पूजेसाठी व विसर्जनासाठी रामसागर तलावाच्या परिसरात एकत्र येऊन हरितालिकेचे विसर्जन करतात. ही बाब लक्षात घेऊन नगरपरिषदेने तत्काळ राम सागर तलावाची स्वच्छता करावी अशी मागणी निवेदनाद्वारे युवारंग लोकहित संघर्ष संघटना,आरमोरी तर्फे करण्यात आली आहे.

निवेदन देताना युवारंग लोकहीत संघर्ष संघटनेचे पदाधिकारी देवानंद दुमाने, विभाताई बोबाटे , आशाताई बोडणे,उमाताई कोडापे,महानंदा शेंडे, ज्योती बघमारे, आशुतोष गिरडकर उपस्थित होते.