यंदाही भारतीय सीमेवरील रक्षणकर्त्यांना पाठविल्या रक्षाबंधनाचा सन्मान म्हणून राख्या

कस्तुरी महिला भिसी गृपचा अभिनव उपक्रम

विधायक न्यूज वृत्तसेवा
आरमोरी ( जिल्हा गडचिरोली):येथील कस्तुरी महिला भिसी गृप द्वारा सालाबादा प्रमाणे यावर्षीही भारतीय सैनिकांच्या सन्मानार्थ रक्षाबंधनानिमीत्य राख्या पाठविल्या. संपुर्ण देशवायीय एकीकडे पारंपारिकरित्या घरोघरी मोठ्या उत्साहात रक्षाबंधनाचा सण साजरा करतात.पण खरे राखी सणाचे मानकरी आहेत, ते आपल्या भारतीय सीमेवर लढणारे वीर बहादूर सैनिक. आपल्या प्राणाची पर्वा न करता दिवस रात्री सीमेवर पहारा देत देशाचे व पर्यायाने आपले रक्षण करित असतात.वास्तविक रक्षाबंधन हे नावच संरक्षणाचे बंधन आहे, हे हेरुन या पवित्र सणाची आठवण म्हणून नेहमीच आपल्या विविध अभिनव उपक्रमांद्वारे समाजसेवा करणा-या आरमोरी येथील कस्तुरी भिसी महिला गृप द्वारा,यावर्षीही सैनिक बांधवांना नुुकत्याच राख्या पोष्ट करण्यात आल्यात.


याप्रंसगी कस्तुरी महिला भिसी गृपच्या सदस्या साधना भोयर, रजनी किरणापुरे,रंजना गौतम, वंदना जुआरे,ममता धकाते,रिमा मने, प्रिती भोयर ,चन्द्रकला तिजारे ,बाबी खरवडे,वर्षा तिजारे,माधुरी ठवकर, सपना मने आदी उपस्थित होते .

या गृपद्वारा स्वखर्चाने समाजकार्याशी निगडित विवीध उपक्रम व समाज सेवकांच्या कार्याचे गौरव व सन्मानार्थ खारीचा वाटा स्वरुपात मदत देऊन प्रोत्साहित करतात.हे विशेष!

कस्तुरी महिला भिसी गृपच्या या अभिनव व सातत्यपूर्ण उपक्रमाबद्दल समाजाच्या सर्व स्तरांतून व सोशल मीडियावर अभिनंदनाचा वर्षाव व कौतुक होत आहे.