🎙️विधायक NEWS – जनमत परिवर्तनाचा सोबती 🎙️

“दातृत्ववादी वनमाळी परिवाराने केले मुक्तहस्ताने पूरग्रस्त ट्रकचालक व नागरिकांना अन्नदान”

विलास गोंदोळे*/दि.२०ऑगस्ट
विधायक न्यूज वृत्तसेवा
*आरमोरी*: गत चार ते पाच दिवसांपासून सर्वत्र अतिवृष्टीमुळे व धरणातील पाण्याची पातळी वाढली.यातून नदी-नाले तुडुंब भरून वाहत आहेत.यामूळे महत्वाचे राष्ट्रीय व राज्य मार्गावरील वैनगंगा,गाढवी नद्यांच्या पुलावरून पाणी वाहत होते.त्यामूळे काही काळ आरमोरी-गडचिरोली-नागपूर महामार्गावरील वाहतूक ठप्प पडलेली होती.अशावेळी शेकडो ट्रक चालक रस्त्याच्या कडेला वाहने उभी करून आपल्या पोटापाण्याचा प्रश्न सोडविण्यासाठी धडपडत होते.ही बाब मनोहरभाई शिक्षण प्रसारक मंडळाचे सचिव तथा तालुका काँग्रेस कमेटीचे तालुकाध्यक्ष, उद्योजक मनोज वनमाळी यांच्या कानी पडताच त्यांनी आपल्या आईचे स्मरण करून आपदग्रस्तांसाठी तत्काळ पावले उचलली.वनमाळी परिवारातील निशांतने अन्नदान, पिण्याचे पाणी व चहा इत्यादींची तत्काळ व्यवस्था केली व मित्रमंडळींना सोबत घेऊन प्रत्येक आपदग्रस्त नागरिकांपर्यंत सर्व साहित्य पोहचविले.यातून आपदग्रस्तांच्या मदतीसाठी देवदुतासारखा धावून जाणा-या, माणुसकी जपणा-या दातृत्ववादी वनमाळी परिवाराचे दर्शन घडले!

आरमोरी परिसरातच नव्हे तर गडचिरोली, चंद्रपूर जिल्ह्यातही समाजसेवा, शिक्षण, उद्योग व राजकीय क्षेत्रात जेष्ठ नेते, शिक्षण महर्षी, दलितमित्र वामनरावजी वनमाळी यांच्या काळापासून वनमाळी परिवार कार्यरत आहे.तसेच “स्व.श्रीमती वत्सलाबाई वामनरावजी वनमाळी स्मृती प्रित्यर्थ” आजही समाजसेवेत सेवारत आहे.याचीच प्रचिती पुरात अडकलेल्या व पुढे मार्गस्थ होऊ न शकलेल्या आपदग्रस्त ट्रक चालकांना अन्नदान, चहा-पाणी देऊन, त्यांना मदतकार्य करण्याच्या माध्यमातून आली.संस्कृतमध्ये दातृत्वा संदर्भात एक सुभाषित आहे.!’शतेषु जायते शूर:सहस्त्रेषुच पण्डित:!वक्ता दशसहस्त्रेषु दाता भवति वा न वा!!हे अगदी खरं आहे.

तसेच यापुढेही नैसर्गिक संकटाचे वेळी स्व.श्रीमती वच्छलाबाई वामनरावजी वनमाळी, आरमोरी तर्फे मदत करण्यात येईल असा मनोज वामनरावजी वनमाळी यांनी मानस व्यक्त केला आहे.तर पुरामुळे विविध राज्यांतून आलेले ट्रक अडकलेले असतील किंवा गावांमध्ये आपदग्रस्त असतील अशांना नागरिकांनी स्वयं स्फूतीने मदत करावी असे आवाहन निशांत मनोज वनमाळी यांनी केले आहे.

मदतकार्यात निशांत वनमाळी,गौरव धाईत, सचिव सपाटे, आशुतोष भरणे, तुषार हलामी,मयूर मने, विनायक रासेकर आदी सहभागी होऊन मदतकार्य केले.त्यामूळे त्यांचे सर्वत्र कौतुक केले जात आहे.