तीन दिवसीय कृष्ण जन्माष्टमी सोहळ्याला आजपासून प्रारंभ

विधायक दीपस्तंभ वृत्तसेवा
आरमोरी (जिल्हा गडचिरोली): सार्वजनिक राधाकृष्ण मंदिर गायत्री नगर आरमोरी (बर्डी) यांचे वतीने दरवर्षी प्रमाणे यंदाही दिनांक ५सप्टेंबर ते ७सप्टेंबर पर्यंत (तीन दिवसीय)कृष्ण जन्माष्टमी सोहळ्याचे आयोजन करण्यात आले आहे.

यात मुर्ती प्राणप्रतिष्ठा विधीवत पार पडणार आहे.तसेच सामुदायिक प्रार्थना,सांयकाळची आरती, श्री गणपती पूजन, पुण्याहवाचन, घटस्थापना, अभिषेक, गायत्री मंडळाचे भजन,हवन, गोपाळकाला व आरती, बालगोपाल सजावट आदी कार्यक्रम राहणार आहेत.तसेच दिनांक ७सप्टेंबरला महाप्रसादाने कार्यक्रमाची सांगता होणार आहे.

सदर कार्यक्रमाला सर्व भक्तमंडळी, नागरिकांनी पुजेत सहभागी होऊन दर्शन घ्यावे व सहकार्य करावे असे आवाहन सार्वजनिक राधाकृष्ण मंदिर,गायत्रीनगर आरमोरी (बर्डी)सेवाधिकारी यांनी केले आहे.